Liburan ka Banduang 6

Sore hari katiko ambo jo si Jidin sedang lamak2 mangopi didalam rumah tadanga lah suaro mamakak dilua, hiruak pikuak dari lua. “TRANG, TANG, TENG, PLAK, HIAT, HUST..!!“
Bagageh ambo kalua manyilaunyo. Tibo dilua capek2 ambo karumah baliak sambia manahan sasak angok jo cameh.
Jidin > “manga urang dilua bro?“
Ambo > “ado tawuran antar RT Din. RT 1, RT awak ko jo RT 2.. Sabana bakacamuak.. Babahayo Din..!!“
Jidin > “HAH..!! Aden harus manolong RT disiko, walaupun den baru disiko tapi solider den jadi warga capek tumbuahnyo..!!
*bagageh Jidin ko ma ambiak Ladiang, Kapak, Pisau dll, diguluangnyo dalam kain saruang*
Jidin > “tunggu dirumah bro, den pai parang..!!“
*sambia menyengsengkan langan baju*
Ambo > “apo?? (Takajuik) ndak usah se lah Din, mati ang beko tungau..!!

Ndak bisa ditagahan si Jidin Kapunduang ko doh. Nan ambo manuruik'an inyo dari balakang, walaupun tengak bana lah Jidin ko, tapi ndak nio ambo kalau paja kapindiang tu mati doh. Manusia spesial Jidin tu mah, kalau nyo mati siapo nan kajadi pemain ambo di Carito ko lay, ciek ado di dunia ko nyo wkwkw. Lari Jidin kalua rumah langsuang masuak katangah rami urang nan sedang bacakak banyak tu. Dibukaknyo guluang kain saruangnyo, dikaluakannyo kasado sanjatonyo. Nan ambo mancaliak2 dari jauah sajo. sudahtu dibaehnyo basorak jo bahaso Indonesia “DI OBRAL.. DI OBRAL..!! ADA PARANG, ADA KAMPAK, ADA PISO, DLL.. MURAH.. MURAH.. BELI 1 GRATIS 1.. AYO.. SIAPA CEPAT DIA DAPAT..“

Ambo > “gubraaaak..!! Handeh mancari ongkos pulang paja tenggen ko kironyo wkwkwk“
 
-End

Liburan ka Banduang 5

Ditangah pasa litak paruik Jidin ko, masuak lah paja kulera ko ka Warteg. Pas duduak didalam Warteg langsuang disaponyo dek pelayan Warteg..
Pelayan > “mau pesan apa mas?“
Jidin > “pesan saya rajin2 lah belajar biar tercapai cita2mu kelak :)“ (pakai bahaso Indonesia pulo)
Pelayan > “huft..!!“
*gigik sendok*

Jidin pun kalua, ndak lamo sudahtu masuak liak..
Pelayan > “mau apa lagi?“
Jidin > “saya hanya mau kamu bener2 menjalankan pesan saya tadi agar rajin2 belajar biar tercapai cita2mu kelak :)“
Pelayan > “kampret..!!“
*ngunyah panci*

Jidin pun kalua, ndak lamo sudah tu masuak pulo baliak..
Pelayan > “jgn main2 mas, disini tempatnya makan.. :(“
Jidin > “oh maaf, saya juga mau makan..“
Pelayan > “nah gitu dong, mau makan pakai apa?“
Jidin > “pakai rendang aja mbak.. :)“
Pelayan > “ini Warteg mas bukan RM Padang.. :( kalau lele goreng ada.“ silahkan keluar..!!“
Jidin pun kalua, sudahtu masuak liak..
Jidin > “maaf mbak.. Diluar juga ga ada rendang..
Pelayan > “arrrrrg maksud saya, yg jual rendang itu di RM Padang..:(..!!“
*makan panci*

Jidin pun kalua, sudatu masuak liak..
Pelayan > “kamu lagi kamu lagi.. Saya udah bilangin disini ga ada rendang..!!
Jidin > “maaf mbak, saya ga nanya rendang..“
Pelayan > “oh maaf.. Mau apa?“
Jidin > “lele nya ada mbak?“
Pelayan > “ada dong..“
Jidin > “panggilin lele nya dong mbak, saya mau bicara bentar..“
Pelayan > “arrrrrg :(“
*muntah lele*

Jidin kalua, masuak pulo baliak paja bingkaruang ko :D
Pelayan > “eh stop..!! Jangan becanda lagi..!!
Jidin > “saya mau lele goreng satu porsi :)“
Pelayan > “oke.. Dari tadi kek..:)“
Jidin > “tapi kasih dedak rendang dikit ya mbak..:)“
Pelayan > “hah..!!“
*kajang-kajang*

Jidin pun kalua, pelayan Warteg lah stres pulo. Muak pelayan ko pai nyo ka RM Padang. Nyo bali randang saporsi. Jidin masuak liak untuak kasakian kalinyo ka dalam Warteg. Baru sajo dimuko pintu, langsuang Jidin ko disaponyo dek pelayan Warteg.
Pelayan > “silahkan masuk & duduk mas.. Skrg udah ada Rendang :)“
Jidin > “maaf mbak.. Saya kesini cuman mau pinjem korek api buat nyalain rokok, barusan saya udah makan rendang di RM Padang.. Ada korek api ga mbak??“
Pelayang > “ampuuuuun.. Mimpi apa saya semalam.. Arrrrrg :(#%&@»..!!
*tutuik Warteg*
*pakamehan baju*
*langsuang pulang kampuang taranak ikan lele*

Basambuang

Liburan ka Banduang 4

Pai lah Ambo jo Jidin jln2 ka Pasa. Rencana ka ambo balikan si Jidin ko sarawa 501 kw 7 agak ciek :D
Katiko ambo sedang sibuk2 ma'ago sarawa utk si Jidin ko. Nan paja ko pai ka WC.
Ndak lamo sudahtu tibo baliak cando urg bagak siap bacakak.
Ambo > “dari ang ma Din ?“
Jidin > “dari WC.. Lai jaleh diang..!!“
Ambo > “eh baa dek emosi bana ang tungau?? Den pijak'an lidah ang beko..!!“
Jidin > “tadi pas kalua dari WC ado Preman nan sedang mabuak manggaduah den, diculiaknyo pungguang den..!!“
Ambo > “hah..!! Tu baa sudah tu?“
Jidin > “diam se den nyo, kok dilawan badannyo gadang, takuik den..!!“
Ambo > “e kaleraaaa..!! Jantan itiak ang mah, panakuik, percuma se ang lamo di Banten manjua cindua nyo, preman se ndak talok diang malawan. Kalau ado urg manggaduah ang langsuang tinju skali. Lai jaleh diang??..“
Jidin > “lai bro..!!“
*angguak2 cando balam patuah*

Mambali sarawa lah siap, tibo wakatu Sumbayang Luhua. Pai kami baduo ka Musajik Sumbayang. Tapi urg nan Sumbayang bajama'ah lah salasai. Jidin ko sabananyo paliang maleh bana Sumbayang, tapi dek sagan jo ambo tapaso baliau ko Sumbayang, pado ndak jadi ambo agiah sarawa beko :D
Bagageh lah Jidin ko Bawuduak (wudlu) daulu nyo dari ambo. Salasai Bawuduak langsuang Jidin masuak ka Musajik. Pas didalam Musajik, Jidin langsuang Sumbayang mamulai Raka'at partamo. Nan ambo masih Bawuduak. Pas Jidin tagak masuak lah urg lain nan ka Sumbayang pulo langsuang manculiak pungguang Jidin..
Spontan Jidin madok ka balakang, diramehnyo dek Jidin krah baju urang tu, malayang tinju ndak ba rem Jidin ka muncuang urang tu “PRANG..!!“
..“Langsuang tumbang pingsan tajilntang urg tu..“
“Kurang aja ang..!! Urg Sumbayang ang gaduah juo, dubilih gadang ang mah..!!“ Kecek Jidin emosi.
Dek mandanga suaro mamakak dalam Musajik, ambo langsuang masuak kadalam Musajik..
Ambo > “hah..?? Apo nan tajadi Din? Ang panga'an urg tu??“
Jidin > “den tinju muncuang nyo, digaduahnyo den Sumbayang, diculiaknyo pungguang den.. :(“
Ambo > “onde mandeeee.. Inyo manculiak pungguang ang tu ndak manggaduah ang Sumbayang doh, tapi ma'agiah kode kalau ang Imamnyo, nan inyo jadi Ma'mum dibalakang.. Arrrrrrrg :(“
*ikuik pingsan*
Jidin > “oh.. #%&@..!!“
*diam saribu bahasa*

Basambuang

Liburan ka Banduang 3

Antah kama lah si Jidin ko, lah saharian inyo mailang, padohal inyo baru di Banduang ko. Takuik ambo kalau inyo ilang. Kalau ilang kama ka dicari? Atau kok mati bagai bingkaruang tu, ambo yakin ndak ka ado panggantinyo doh wkwkwk..

Pucuak dicinto ula pucuak nan tibo. Baru sajo ambo mancaritokannyo datanglah koncek sawah ko :D
Tapi antah apo pulo nan baru sajo tajadi. Jidin ko datang jo muko kasam mambuduik cando cipuik siap ba'abuih, mato merah cando bantiang mabuak, kaniang bangkak bantuak dipantak tambuan..

Ambo > “dek apo ang tungau??“
Jidin > “kaniang den kanai tengkelek dek cewek bule bro..“
*balinang aia mato*
Ambo > “hahaha baa pulo caritonyo tu??“
Jidin > “den jalan2 ka Mall, masuak den kadalam Lift, kironyo didalam Lift panuah, ado cewek bule didalamnyo.. Den puji cewek bule tu, eh jan kan sanang ati nyo malah kanai tekek kaniang den.. “
Ambo > “emangnyo pujian cando apo nan ang kecek an ka bule tu dek sampai bangihnyo ka ang?“
Jidin > “cando iko kecek den aa.. 'Eh harum baun rambuik kau yo piak..' Kironyo cewek bule kalera ko mangarati jo bahaso Minang.. Sudahtu bagih2 nyo ka den..“
Ambo > “cando apo bangih bule tu??“
Jidin > “cando iko kecek cewek bule tu aa 'woi karambia santai mucuang ang stek yo,, nyo ang sanang ati den kalau ang kecek'an rambuik den harum?? Tinggi ang sajo dibawah pinggang den..!! Rambuik ma nan harum mukasuik ang..??“ Diambiaknyo tengkelek dikakinyo dek bule tu,, PLAK..!! Langsuang inggok dikaniang den..!!
*huuuuu nangih liak ma lap salemo*
Ambo > “MUAHAHAHA..“
*galak sambia salto*

Basambuang

Sumber : http://www.facebook.com/pages/Carito-Minang-Lucu/

Liburan Ka Banduang 2

Singkek carito sampai lah Jidin kulera ko di Banduang. Tingga samantaro dirumah ambo nan mambuek carito ko :)..
Siang paneh malangkang, taragak makan buah2an lah Jidin ko.
Jidin > “bro.. Awih den aa, kariang karangkuangan den, taragak den jo buah2an.. Dima ado urg manjuanyo?“
Ambo > “diujuang jalan dimuko tu ado urg manjuanyo, pai lah bali,, tapi ingek yo kalau ang lewat dimuko urg jan lupo mangecek “punten“ nan artinyo Permisi..“ Lai jaleh diang??“
Jidin > “sip bro..“
*Jidin ko dek baru di Banduang, jadi ciek Punten sajo nan dapek dek inyo bahaso sunda nyo*

Singkek carito Jidin lah salasai mambali buah2an, nan nyo bali Mangga 2kilo babungkuih jo plastik warna itam. Jidin pun pulang. Dijalan satiok Jidin ko lewat dimuko urg lain disabuiknyo “punten“ nan artinyo Permisi.. Dek karano Jidin manyabuik Punten, jadi dijaweknyo dek urg2 “Mangga“ nan artinyo “Silahkan“ atau “Buliah“..
Taheran2 lah Jidin ko baa dek tau urg2 tu apo nan nyo bawo, padahal nyo bungkuih jo plastik warna itam.
Jidin ko dek maraso sagan jo dek tatakok dek urg2 tu kalau ado Mangga didalam plastik itam tu, diagiahnyo lah dek Jidin urg2 tu mangga ciek surang. Jidin pun taruih bajalan, Lewat pulo baliak Jidin dimuko urg lain, manyabuik punten pulo Jidin baliak, dijawek lo dek urg mangga, diagiahan pulo dek Jidin mangga ko, sampai mangga tu habis..
Dek karano mangga tu lah habis babaliak lah Jidin ko baliak katampek urg manjua buah. Dibalinyo rambutan lay..
Jidin pun pulang, cando biaso Jidin lewat dimuko urg disabuiknyo 'Punten'.. Dijaweknyo dek urg tu 'Mangga'..
Dibaehnyo dek Jidin galak gadang “MUAHAHAHA.. Takicuah kalian sadonyo, kini den ndak mambawo mangga lay tapi rambutan.. Wkwkwk (galak liak)

Basambuang

Sumber : http://www.facebook.com/pages/Carito-Minang-Lucu/

Liburan Ka Banduang 1

Liburan Sikola lah tibo pulo.
Si Jidin pai liburan ka Banduang, dari kampuang naiak Oto Gadang. Tibo di dermaga Bakauheni si Jidin naiak Kapa Lauik.
Dek karano baru sakali tu naiak kapa lah cando anak ketek ditampek baralek Jidin ko, sabana sanang atinyo, kamari balari, mangincak, maloncek2 cando kacang diabuik ciek..
Bajalan2 lah Jidin ko diateh kapa.
Tampak lah dek Jidin ado padusi rancak nan sedang tagak diujuang kapa sedang mancaliak pemandangan lauik. Mandakek lah Jidin ko.

Jidin > “ehem.. (Batuak2 ketek) kama tujuan diak?“
Padusi > “ka Jakarta da, kalau uda kama?“
Jidin > “biaso lah diak, kalau uda satiok liburan pai ka Banduang..“
*Handeeeh padohal baru sakali ko si Jidin pai kalua kota :p*
Padusi > “o.. Manga tu ka Banduang??“
Jidin > “taragak mancaliak anak buah uda..“
*yo lah kulera si Jidin ko, padohal nyo ka Banduang mintak pitih balanjo ka bos nyo si “Mancun" ko nan acok manjadikan si Jidin pemain disatiok carito nyo :D*
Padusi > “hmm hebat uda yo.. Eh ancak pemandangan lauik ko yo da, denai skali ko baru naiak kapa lauik jadi agak andiak stek, hehe..“
Jidin > “ndak baa bagai doh diak, uda pun dulu cando adiak pulo.. Tapi kini lah tabiaso dek acok naiak kapa lauik liburan kalua kota :).. Eh diak Sabana mantap kan naiak kapa lauik ko? Kapa nyo gadang jo tinggi bana, apo nan dicaliak tampak ketek, caliak tu aa batu karang sagadang buah karambia..“
*sambia manunjuak jauah ka batu karang*
Padusi > “??? Emang itu buah karambia nan marapuang da. Ndak batu karang nan tampak ketek doh.. Kapa wak kan alun balayia (berlayar) lay..“
Jidin > “hah..!! #%&@»..
*malu gadang langsuang maloncek kadalam lauik*
*untuang ado nan manolong, Jidin ndak jadi mati :p*

Basambuang

Sumber : http://www.facebook.com/pages/Carito-Minang-Lucu/